Կլիմա Իստ Պլյուս ծրագիր. Արոտների կայուն կառավարման գործելակերպերի ներդրում Գեղարքունիքի մարզի լեռնային համայնքներում

Ծրագրի մանրամասներ և արդյունքներ

Արոտների կայուն կառավարման գործելակերպերի ներդրում Գեղարքունիքի մարզի լեռնային համայնքներում նախագծի նպատակ է՝ բարելավել կլիմայի փոփոխության բացասական ազդեցության տակ գտնվող ագրո-էկոհամակարգերի ծառայությունները՝ լեռնային համայնքներում ապրուստի միջոցներ ապահովելու նպատակով: Սերտ համագործացելով ՄԱԶԾ/ԵՄ Կլիմա Իստ «Հայաստանում տեղական համայնքների համար կլիմայի փոփոխության նվազեցման և հարմարվողականության օգուտները ցուցադրելու նպատակով արոտավայրերի և անտառների կայուն կառավարում» Պիլոտային Ծրագրի հետ և համալրելով գործընկեր ծրագրի կողմից նախատեսած գործողությունները՝ Կլիմա Իստ Պլյուս նախագիծը  կձեռնարկի գործընթացներ՝ մոբիլիզացնելու և բարձրացնելու Գեղարքունիքի մարզի 6 համայնքների կարողությունները: Ընդհանուր առմամբ 60 բնակիչներ (արոտ օգտագործողներ/ֆերմերներ, ավագանու անդամներ, ՏԻՄ և աշխատակազմ) նախագծի թիրախ համայնքներից կստանան գիտելիքներ և ձեռք կբերեն հմտություններ արոտների գնահատման և մոնիթորինգի, մոնիթորինգի արդյունքների հիման վրա համայնքային արոտների կառավարման պլանների մշակման, արոտների  արածեցման հերթափոխային պլանների կազման, ինչպես նաև նոր ներդրված արոտների կառավարման համակարգի կիրառման և ղեկավարման համար անհրաժեշտ համապատասխան փաստաթղթերի փաթեթի մշակման  վերաբերյալ: Ավելի քան 900 բնակիչներ թիրախ համայնքներից կբարձրացնեն իրենց տեղեկացվածությունը գլոբալ բնապահպանական խնդիրների, ինչպես նաև բուսաբուծության և անասնաբուծության բնագավառներում նոր և առաջավոր տեխնոլոգիաների կիրառման առավելությունների վերաբերյալ, որոնք նպաստում են ագրո-էկոհամակարգերի կողմից տրամադրող ծառայությունների բարելավմանը:

Նախագծի արդյունքները

Ծրագրի իրականացումից հետո կունենաք հետևյալ արդյունքները.

• 6 թիրախային համայնքներում ներդրվել և կիրառվում է արոտների կայուն կառավարման համակարգ՝ (ներառյալ հերթափոխային արածեցումների պլանը) մեղմելու արոտների դեգրադացիան,
• Բարձրացել է տեղական բնակչության (արոտ օգտագործողներ/ֆերմերներ, ավագանու անդամներ, ՏԻՄ և աշխատակազմ) կարղություները արոտների կառավարման համակարգ մշակելու և կիրառելու բնագավառում (վերապատրաստվել են 60 անձ),
• 3,506 հա արոտների վրա կիրառվում է հողերի կառավարման բարելավված պրակտիկա,
• 800 հա հեռագնա արոտների հասանելի դառնալու շնորհիվ նվազել է ճնշումը 2,076 հա գերարածեցված գյուղամերձ արոտների վրա,
• Դեգրադացիայից փրկված և վերականգնված հողեր` 3,546 հա (2,706 հա գյուղամերձ արոտներ, 800 հա հեռագնա արոտներ, 40 հա  վարելահողեր):
• Մեծացել է հեռագնա արոտների հասանելիությունը շնորհիվ բարելավված արոտային ենթակառուցվածքների (3 ծածկով կթի սրահներ, 3 կաթի հովացման վանաներ, 3 արևային ջրատաքացուցիչներ, 3 էլեկտրական ցանկապատ/հովիվ հորթերի համար),
• Բարձրացել է անասունների մթերատվությունը՝ արհեստական սերմնավորման ծառայության հասանելի դառնալու շնորհիվ (3,045 կովերի 40-50%-ը արհեստականորեն սերմնավորվել են առաջին տարում,  80-90%-ը՝ երկրորդ տարում):