Մեղվապահության զարգացումը «Արփի լիճ» ազգային պարկի պահպանման գոտու 19 համայնքներում

Ծրագրի մանրամասներ և արդյունքներ

ՀԿ-ն առաջարկում է մեղվաբուծության զարգացման պիլոտային մի ծրագիր, որի արդյունքում կստեղծվի մեղվաբուծության զարգացման կենտրոն, որը ծրագրի երկրորդ տարուց սկսած տարեկան կապահովի տարածքի 19 համայնքների սոցիալապես անապահով 30 շահառու ընտանիքների  5-ական մեղվաընտանիքների տրամադրումը: Ամեն տարի  այս կենտրոնի շնորհիվ կընդլայնվի շահառու ընտանիքների և տարածքում մեղվաընտանիքների քանակը: Բացի այս կենտրոնը կապահովի տարածաշրջանում արտադրված մեղրի փաթեթավորումն ու սպառումը:       
Ակնկալվում է մի քանի տարվա ընթացքում մեղվաընտանիքների բազմացման շնորհիվ տարածաշրջանում զարգացնել մեղվաբուծությունը, որի ուղղակի ազդեցությունը կլինի տարածքի բուսականության պահպանումն ու անապատացմանը նպաստող անտրոպոգեն գործոնների նվազեցումը:
Ծրագիրը նպատակ ունի խթանել մեղվաբուծությունը, որպես կենսաբազմազանության պահպանման աղբյուր և կրճատելու անասնապահության զարգացաման ինտենսիվ աճը, որը հիմնականում նպաստում է հողերի դեգրատացիային: Բացի այս ծրագիրը կխթանի նաև ագրոէկոհամակարգային ծառայությունների բարելավմանը ԱՊ և հարակից տարածքներում (21.179 հա ընդհ մակերես):
Նախատեսվում է նաև տարածքում ստեղծել Արփի լճի մեղվապահների կենտրոն /այսուհետ ԱԼՄԿ/, որը կապահովի մեղվաբույծների համագործակցությունը, մեղրի վերամշակումը և վաճառքը, մեղվաընտանիքների գենետիկան և հիվանդությունների վերահսկումը:  
Ծրագրի նպատակն է Շիրակի մարզի նորաստեղծ Արփի Լիճ ԱՊ-ի բնական միջավայրերի և կենսաբազմազանության վրա բացասական ազդեցության մեղմում` ԱՊ-ում ներառված և հարակից համայնքներումª  մեղվաբուծության զարգացման միջոցով:

Ծրագրի արդյունքները.     

• Արփի լիճ ազգային պարկում պահպանման գոտու  19 համայնքներում  30   շահառու ընտանիքներ զբաղվում են մեղվաբուծությամբ,
• Բարելավվել է 19 համայնքների 30 շահառու ընտանիքների սոցիալ տնտեսական վիճակը, ապահովված է ընտրված շահառուների երկարաժամկետ և կայուն եկամուտով զբաղվածությունը,
• Ստեղծվել է մեղվաբույծների կենտրոն  (ԱԼՄԿ), որը անասնաբուժական ծառայություններ է մատուցում հիվանդությունների վերահսկման համար, խթանում է տեխնիկական փոխանակումը, մեղրի վերամշակումը և ապրանքի վաճառքը,
• ԱՊ պահպանման գոտու 19  համայնքների բնակիչները  բարձրացրել են իրենց իրազեկությունը կենսաբազմազանության կարևորության և արժեքների մասին և ձեռք են բերել լրացուցիչ փորձ մեղվապահության և կենսաբազմազանության պահպանման վերաբերյալ,
• Ծրագրի  շրջանակներում տպագրվել է համապատասխան տեղեկատվական նյութեր, ուղեցույցներ: