«Էկոտուրիզմը որպես այլընտրանքային զբաղվածության հնարավորությունը՝ հանուն Սևանի»

Ծրագրի մանրամասներ և արդյունքներ

Նախագծի նկարագրությունը

Սևանա լիճը պատմականորեն եղել է Գեղարքունիքի մարզի բնակչության ապրուստի հիմնական  միջոցը։ Եկամտի այլընտրանքային հնարավորությունների բացակայությունը պատճառ է դարձել լճի ջրային և ձկնային ռեսուրսների անարդյունավետ և անվերահսկելի  գերշահագործման, ինչը  իր հերթին, գլոբալ տաքացման հետ մեկտեղ,  աղետալի ազդեցություն է ունեցել տարածաշրջանի վրա: Արդյունքում վտանգված է հսկայական մի էկոհամակարգ և ռազմավարական նշանակության խմելու ջրի պաշար։  Լճի էկոլոգիական ծանր վիճակը խորացնում է նաև աղքատությունը ափամերձ համայնքներում, որոնք ուղղակիորեն դառնում են կախյալ լճի ռեսուրսներից։

Խնդիրը լուծելու նպատակով նախագծով առաջարկվում է  Գեղարքունիքի մարզի բնակչության շրջանում ձևավորել  նոր մշակույթ և պատասխանատու վարքագիծ: Մասնավորապես՝  նախագիծը խթանում է մարզի բնակիչների ակտիվ ներգրավվածությունը էկոտուրիզմի և էներգաարդյունավետ պրակտիկայի մեջ՝ Ծովագյուղում նորարարական ուսումնացուցադրական կենտրոնի ստեղծման միջոցով: Ուսումնական կենտրոնը էկոտուրիզմի և էներգաարդյունավետության վերաբերյալ բազմաթիվ տեսական և գործնական սեմինարների միջոցով կնպաստի գյուղացիների միջև գիտելիքների փոխանակմանը և տարածմանը:

Ծրագրի իրականացման արդյունքում մասնակիցները ձեռք կբերեն անհրաժեշտ գիտելիքներ և հմտություններ՝ բարելավելու իրենց ապրուստի միջոցները այլընտրանքային եկամուտների շնորհիվ:

Նախագծի արդյունքները

Նախագիծը կունենա  հետևյալ արդյունքները.

• Էկոտուրիզմի ուսուցման և զբոսաշրջային ծառայությունների մատուցման արդյունքում 50 ընտանիք բարելավել է իր ապրուստի միջոցները:

• 75 երիտասարդներ վերապատրաստվել են որպես զբոսավար և կարող են կայուն եկամուտ ունենալ:

• Բարելավվել է Սևանա լճի ափամերձ 1501 հա տարածքի կառավարումը:

• ֆոտովալտային կայանի և արևային ջրատաքացուցիչի շահագործման շնորհիվ տարեկան խնայվում է 2000 ԱՄՆ դոլար:

• 7 տոննայով կրճատվել են CO2-ի արտանետումները

• 50 տոննայով կրճատվել է Սևանա լիճ և ավազանային գետեր մուտք գործող պինդ թափոնների քանակը

• 50 ֆերմերներ և գյուղական ՓՄՁ-ներ կրկնօրինակել են էներգաարդյունավետ լուծումները իրենց տնային տնտեսություններում: