Ասա ոչ պլաստիկ տոպրակին

Նախագծի նկարագրությունը 

«Ասա ոչ պլաստիկ տոպրակին» ծրագիրը նպատակ ունի խթանել բազմակի
օգտագործման տոպրակների օգտագործումը, բարձրացնել տեղացիների իրազեկվածությունը և բացահայտել #ոչպլաստիկտոպրակին-ի ապրելակերպը խթանող ամենահաջող ուղիները և աջակցել մեկանգամյա օգտագործման պլաստիկ տոպրակների արգելմանն
ուղղված կառավարության ու այլ հաստատությունների աշխատանքներին: Ծրագրի շրջանակներում թիմը կմշակի էկոլոգիապես մաքուր և դիմացկուն նյութերից պատրաստված բազմակի օգտագործման պայուսակների մեծ հավաքածու (23,000 հատ՝ ըստ շրջակա միջավայրի նախարարության հաստատած դիզայնի), կկազմակերպի իրազեկման բարձրացման արշավներ և կմշակի մի շարք բաշխման ուղիներ՝ համոզվելու համար, որ ընտրված տարածքի յուրաքանչյուր քաղաքացու հասանելի է դառնում բազմակի օգտագործման պայուսակ:
Թիմը նաև կհավաքի տեղեկատվություն շահագրգիռ
կողմերի շահերի և նրանց վարքագծի վերաբերյալ, կիրականացնի վերօգտագործման և կայունության դասընթացներ, կաշխատի տեղական դպրոցների և այլ շահառու կազմակերպությունների հետ ու կիրականացնի տեքստիլ թափոնները և դրանց բազմակի օգտագործման վերածման աշխատանքներ և այլն: Թիմը նաև կմշակի սոցիալական մեդիա արշավներ՝ համագործակցելով տեղական բլոգերների և սոցիալական ցանցերի այլ ակտիվ գործիչների հետ: Կխթանվի նաև «Հավատարմության պայուսակ» նախագիծը, որի շնորհիվ Արմավիրի մեկ համայնքում կներդրվի հավատարմության սխեմա և բազմակի տոպրակների անցման մոդել: Հայեցակարգի առաջմղման լավագույն ուղիները բացահայտելու համար թիմը կհավաքի տվյալներ և կանցկացնի հիմնական վերլուծություն՝ ցուցադրելու ամենաշատ և ամենաքիչ հաջողված մոտեցումները, որոնք հետագայում կարող են ներկայացվել Շրջակա միջավայրի նախարարությանը հետագա գործողությունների համար: 

Նախագծի արդյունքները 

• Նոր ձևավորված մշակույթ, որը խթանում է բազմակի
օգտագործման պայուսակների օգտագործումը` տրամադրելով առնվազն 23,000 նոր բազմակի օգտագործման պայուսակներ

• Աղբավայր չհասած ավելի քան 10 տոննա թափոն և առնվազն 250,000 մեկանգամյա օգտագործման չօգտագործված տոպրակ

• 45,000 շահառու, ով առցանց կամ առկա տարբերակով բարելավել է իր բնապահպանական գիտելիքների

• Բազմակի տոպրակների անցման 4 փորձարկված եղանակ

• Առնվազն մեկ վաճառքի կետի/ցանցի բարելավված գիտելիքներ

• Մեկանգամյա օգտագործման տոպրակների այլընտրանքային լուծումների առկայություն ու տեքստիլային թափոններին նոր կյանք տալու հմտությունների առկայություն

• CO2 արտանետումների նվազում մոտ 30տ-ով

• Առնվազն 10 ստեղծված աշխատատեղ՝ կարճաժամկետ և երկարաժամկետ